ភ្នំពេញ៖ នៅថ្ងៃទី២៩ ខែឧសភា ឆ្នាំ២០២៤ លោកឧត្តមសេនីយ៍ទោ សែ វុទ្ធី មេបញ្ជាការរង កងរាជអាវុធហត្ថលើផ្ទៃប្រទេស បានឱ្យក្រុមការងារចុះត្រួតពិនិត្យការចាក់ដីបំពេញទីធ្លាបន្ទាយកងរាជអាវុធហត្ថឡុងឈិន (GRGI) និងឈួសសម្អាត ពីមុខអគារ សម្រាប់រៀបចំអគារស្នាក់នៅបណ្តោះអាសន្នរបស់នាយ នាយរងប្រចាំការឃ្លាំងភស្តុភារ និង ឃ្លាំងវិស្វកម្មបានរួចរាល់ សរុបប្រើប្រាស់ខ្សាច់ចំនួន ១០២ ឡាន និង ថ្មអស់ចំនួន ០៨ ឡាន។

បន្ទាយមានជ័យ៖ នាព្រឹកថ្ងៃទី១១ ខែមីនា ឆ្នាំ២០២៤ នៅទីបញ្ជាការដ្ឋានកងរាជអាវុធហត្ថខេត្តបន្ទាយមានជ័យ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានអញ្ជើញជាអធិបតីភាព បើកវគ្គហ្វឹកហ្វឺនប្រចាំឆមាស១ ឆ្នាំ២០២៤ ជូនដល់កងកម្លាំងកងរាជអាវុធហត្ថខេត្ត និងកម្លាំងនគរបាល នៃស្នងការ ស្នងការដ្ឋាននគរបាលខេត្តបន្ទាយមានជ័យ ដោយមានការអញ្ជើញចូលរួមពីលោកមេបញ្ជាការរង លោកនាយសេនាធិការរង លោកស្នងការរងនគរបាលខេត្ត លោកប្រធានមន្ទីរ លោកមេបញ្ជាការមូលដ្ឋានកងរាជអាវុធហត្ថក្រុង/ស្រុកទាំង៩ និងសិក្ខាកាម កងរាជអាវុធហត្ថ និងសិក្ខាកាមនគរបាល យោធាចារ្យមកពីកងពលតូចថ្មើរជើង៥១ សរុបចំនួន១៤៨នាក់។ នាឱកាសនោះលោកឧត្តមសេនីយ៍ត្រី បោន ប៊ិន បានលើកឡើងថា…

ព្រៃវែង៖ នារសៀលថ្ងៃសៅរ៍ ទី០៩ ខែមីនា ឆ្នា២០២៤ លោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញពិនិត្យសំណង់អគារសេនាធិការដ្ឋាន ទីបញ្ជាការកងរាជអាវុធហត្ថខេត្តព្រៃវែងថ្មី ស្ថិតនៅភូមិបារាយរណ៍កើត សង្កាត់បារាយរណ៍ ក្រុងព្រៃវែង ខេត្តព្រៃវែង ដែលកំពុងដំណើរការសាងសង់។

ស្វាយរៀង៖ នៅថ្ងៃសៅរ៍ ទី០៩ ខែមីនា ឆ្នាំ២០២៤ លោក វរសេនីយ៍ឯក សុខា រ៉ានាថ មេបញ្ជាការស្ដីទី តំណាងលោកឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង បានដឹកនាំមេបញ្ជាការរង នាយសេនាធិការ នាយការិយាល័យ និងមេបញ្ជាការមូលដ្ឋានកងរាជអាវុធហត្ថក្រុង-ស្រុក អញ្ជើញចុះត្រួតពិនិត្យការងារសាងសង់អគាររដ្ឋបាលនិងហេដ្ឋារចនាសម្ព័ន្ធផ្សេងៗ របស់កងរាជអាវុធហត្ថចល័ត ដែលបានសាងសង់លើផ្ទៃដីថ្មីទំហំ ៨,២៧៨ ម៉ែត្រការ៉េ ស្ថិតនៅភូមិត្រពាំងផ្លុង សង្កាត់បាទី ក្រុងបាវិត ខេត្តស្វាយរៀង ដោយបានដំណើរការសាងសង់បានប្រមាណ១៥% ហើយ…

ត្បូងឃ្មុំ៖ នារសៀលថ្ងៃព្រហស្បតិ៍ ទី០៧ ខែមីនា ឆ្នាំ២០២៤ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញពិនិត្យវឌ្ឍនភាព ការងារការកសាង អគារសេនាធិការដ្ឋាន នៃបញ្ជាការដ្ឋានកងរាជអាវុធហត្ថខេត្តត្បូងឃ្មុំ ដោយបានដំណើងការសាងសង់បានប្រមាណ ៩៥% ក្រោមការដឹកនាំកសាង ដោយលោកឧត្តមសេនីយ៍ត្រី រ័ត្ន ចាន់ណា មេបញ្ជាការ កងរាជអាវុធហត្ថខេត្តត្បូងឃ្មុំ ។

កណ្តាល៖ នាព្រឹកថ្ងៃទី០៤ ខែមីនា ឆ្នាំ២០២៤ នៅទីបញ្ជាការកងរាជអាវុធហត្ថខេត្តកណ្តាល បានរៀបចំពិធីបើកវគ្គបំប៉នជំនាញកងរាជអាវុធហត្ថ ឆមាសទី១ ឆ្នាំ២០២៤ ក្រោមអធិបតីភាព លោក ឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល ដោយមានការអញ្ជើញចូលរួមពី លោក លោកស្រី មេបញ្ជាការរង នាយសេនាធិការរង ប្រធាន-ប្រធានអនុមន្ទីរ នាយការិយាល័យ មេបញ្ជាការ មេបញ្ជាការរង មូលដ្ឋានកងរាជអាវុធហត្ថ ក្រុង-ស្រុក ព្រមទាំងគ្រូឧទ្ទេសនាម និងសិក្ខាកាម (សរុបចំនួន ៩៥នាក់)។…

តាកែវ៖ នៅបញ្ជាការដ្ឋានកងរាជអាវុធហត្ថខេត្តតាកែវថ្មី ព្រឹកថ្ងៃទី២៩ ខែកុម្ភៈ ឆ្នាំ២០២៤ លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ បានដឹកនាំ លោកមេបញ្ជាការរង លោកនាយសេនាធិការ នាយទាហាន នាយទាហានរង នៃកងរាជអាវុធហត្ថខេត្ត រៀបចំពិធីតម្លើងរូបសំណាកគ្រុឌមហាជ័យ នៅទីតាំងដីថ្មីរបស់បញ្ជាការដ្ឋានកងរាជអាវុធហត្ថខេត្តតាកែវ ស្ថិតក្នុងភូមិត្រពាំងអង្គ សង្កាត់រកាក្រៅ ក្រុងដូនកែវ ខេត្តតាកែវ។

ប៉ៃលិន៖ នាព្រឹកថ្ងៃទី២៩ ខែកុម្ភៈ ឆ្នាំ២០២៤ នៅបញ្ជាការដ្ឋានកងរាជអាវុធហត្ថខេត្តប៉ៃលិន លោកឧត្ដមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្តប៉ៃលិន បានអញ្ជើញជាអធិបតីភាពក្នុងពិធីប្រកាសតែងតាំងផ្លាស់ប្តូរមុខតំណែង និងបំពាក់ឋានន្តរសក្ដិ ជូនដល់យោធិននៃកងរាជអាវុធហត្ថខេត្តប៉ៃលិន ។ ក្នុងពិធីនេះដែរមានការអញ្ជើញចូលរួមពីលោកមេបញ្ជាការរង នាយសេនាធិការ នាយសេនាធិការរង ប្រធានមន្ទីរ អនុប្រធានមន្ទីរ នាយការិយាល័យ នាយរងការិយាល័យ មេបញ្ជាការមូលដ្ឋានកងរាជអាវុធហត្ថក្រុង ស្រុក មេបញ្ជាការកងអនុសេនាធំចល័ត មេក្រុម និងនាយ នាយរងអាវុធហត្ថខេត្តជាច្រើនទៀត ។

បន្ទាយមានជ័យ៖ នៅល្ងាចថ្ងៃពុធ ទី២៨ ខែកុម្ភៈ ឆ្នាំ២០២៤ ឯកឧត្តម នាយឧត្ដមសេនីយ៍ សៅ សុខា ឣគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជឣាវុធហត្ថលើផ្ទៃប្រទេស បានឣញ្ជើញត្រួតពិនិត្យឣតីតអគារសាលាស្រុកស៊ីសុផុន ដែលសាងសង់ឡើងនៅទស្សវត្ស ឆ្នាំ៦០ (បច្ចុប្បន្នស្ថិតនៅក្នុងបរិវេណបញ្ជាការដ្ឋានកងរាជអាវុធហត្ថខេត្តបន្ទាយមានជ័យ) ដើម្បីអភិរក្ស និងកែលំអរទៅជាឣគារវប្បធម៌ នៃបញ្ជាការដ្ឋានកងរាជឣាវុធហត្ថខេត្តបន្ទាយមានជ័យ។

នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ព្រឹកថ្ងៃទី២៨ ខែកុម្ភៈ ឆ្នាំ២០២៤ លោកឧត្តមសេនីយ៍ត្រី មាស សុវណ្ណ នាយកមជ្ឈមណ្ឌល បានដឹកនាំក្រុមការងារធ្វើស្វ័យបច្ចុប្បន្នភាពចំនួនទ័ព-កូន និងយុទ្ធោបករណ៍ ដោយមានការចូលរួមពីនាយ នាយរង និងបុគ្គលិកមជ្ឈមណ្ឌលទាំងអស់។