មណ្ឌលគិរី៖ នៅវេលាម៉ោង១៤:២០នាទី ថ្ងៃទី២៦ ខែសីហា ឆ្នាំ២០២៣ កម្លាំងអាវុធហត្ថស្រុកកែវសីមា ដឹកនាំដោយលោកអនុសេនីយ៍ឯក ទ្រី ស៊ាងហ៊ុច មេបញ្ជាការរងស្រុក សហការជាមួយងាយសង្កាត់ព្រៃឈើកែវសីមា បានឃាត់រថយន្តមួយគ្រឿងម៉ាកហាយឡេនឌ័រពណ៌ទឹកប្រាក់ ពាក់ស្លាកលេខភ្នំពេញ ២AU ២៥២៣ ដឹកឈើប្រណិតប្រភេទបេងចំនួន០៤ដុំ (មិនទាន់វាស់វែង) នៅចំណុចក្រោយផ្សារកែវសីមា ស្ថិតនៅភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគីរី បច្ចុប្បន្នវត្ថុតាងយកទៅរក្សាទុកនៅសង្កាត់រដ្ឋបាលព្រៃឈើកែវសីមាដើម្បីចាត់ការបន្ត។

កណ្តាល ៖ នៅថ្ងៃទី២៥ ខែសីហា ឆ្នាំ២០២៣ កម្លាំងកងរាជអាវុធហត្ថក្រុងអរិយក្សត្រ ខេត្តកណ្តាល បានសហការជាមួយសង្កាត់រដ្ឋបាលព្រៃឈើស្រុកកៀនស្វាយ ឃាត់រថយន្តដឹកឈើ ០១គ្រឿង នៅចំណុចភូមិអរិយក្សត្រ សង្កាត់អរិយក្សត្រ ក្រុងអរិយក្សត្រ ខេត្តកណ្តាល ពាក់ព័ន្ធករណីដឹកជញ្ជូនអនុផលព្រៃឈើ(គ្មានច្បាប់អនុញ្ញាត)។ វត្ថុតាងចាប់យករួមមាន៖ រថយន្ត ០១គ្រឿង, ឈើស្រឡៅ ៩៨កំណាត់ សើ្មនឹង ២,៦៤៦ម៉ែត្រគូប, ឈើក្តារ ២៥សន្លឹក ស្មើនឹង ០,៣៧៥ម៉ែត្រគូប។ បច្ចុប្បន្នជនសង្ស័យ និងវត្ថុតាងកម្លាំងកងរាជអាវុធហត្ថក្រុងអរិយក្សត្រ បានប្រគល់អោយ សង្កាត់រដ្ឋបាលព្រៃឈើស្រុកកៀនស្វាយចាត់ការបន្តតាមនីតិវិធី។

កោះកុង៖ នៅវេលាម៉ោង១៣:៣០នាទី ថ្ងៃទី២៥ ខែសីហា ឆ្នាំ២០២៣ កម្លាំងកងរាជអាវុធហត្ថខេត្តកោះកុង សហការជាមួយនឹងកម្លាំងសាខានិងរដ្ឋាករខេត្តកោះកុង បានឃាត់ចាប់រថយន្តសង្ស័យគ្មានបង្កាន់ដៃពន្ធគយនាំចូល ចំនួន០១គ្រឿង ម៉ាក TOYOTA HIGH LANDER ពណ៌ស ឆ្នាំផលិត២០០៨ ស្លាកលេខក្លែងក្លាយ ភ្នំពេញ ២BU-៩៨៦៦ នៅពេលដែលម្ចាស់កំពុងបើកបរនៅលើផ្លូវមុខព្រលានយន្តហោះខេត្តកោះកុង ក្នុងភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។ បច្ចុប្បន្នរថយន្តសង្ស័យខាងលើត្រូវបាននាំមករក្សាទុក នៅក្នុងសាខាគយ និងរដ្ឋាករខេត្តកោះកុងដើម្បីបន្តអនុវត្តតាមនីតិវិធី៕

កណ្តាល៖ នៅថ្ងៃទី២៣ ខែសីហា ឆ្នាំ២០២៣ កម្លាំងកងរាជអាវុធហត្ថស្រុកកៀនស្វាយ ខេត្តកណ្តាល បន្ទាប់ពីទទួលបានព័ត៌មានពីប្រជាពលរដ្ឋថាមានករណីជួញដូរដោយខុសច្បាប់នូវសារធាតុញៀន ស្ថិតក្នុងឃុំគគីរ ស្រុកកៀនស្វាយ ខេត្តកណ្តាល និងដោយមានការដឹកនាំចង្អុលបង្ហាញផ្ទាល់ពីលោក ឧត្តមសេនីយ៍ មេបញ្ជាការខេត្ត និងមានការសម្របសម្រួលនីតិវិធីពីឯកឧត្តមព្រះរាជអាជ្ញាអមសាលាដំបូងខេត្ត កម្លាំងជំនាញបានចុះដល់ទីកន្លែងជាក់ស្តែង ឃាត់ខ្លួនជនសង្ស័យ០៣នាក់ ភេទប្រុស និងចាប់យកវត្ថុតាងថ្នាំញៀន(ម៉ាទឹកកក) ចំនួន ១១កញ្ចប់, ទូរស័ព្ទ ០៣គ្រឿង, សម្ភារៈប្រើប្រាស់ និងវេចខ្ចប់មួយចំនួន។ បច្ចុប្បន្នជនសង្ស័យ និងវត្ថុតាងសមត្ថកិច្ចកងរាជអាវុធហត្ថខេត្តកណ្តាល បានកសាងសំណុំរឿង បញ្ជូនទៅសាលាដំបូងខេត្តតាមនីតិវិធី។

ត្បូងឃ្មុំ៖ ថ្ងៃទី២៨ ខែសីហា ឆ្នាំ២០២៣ កម្លាំងអាវុធហត្ថខេត្តត្បូងឃ្មុំ សហការចុះបង្ក្រាបទីតាំងផលិតបារីក្លែងក្លាយ កម្លាំងគយចល័តតំបន់៦ ដឹកនាំដោយលោក ព្រាប គារ៉ាត់ ប្រធានការិយាល័យស្រាវជ្រាវ និងបង្ក្រាបអំពើរត់ពន្ធតំបន់៦។ ដោយមានការសម្របសម្រួលពី លោក សូរ សុវិទ្យា ព្រះរាជអាជ្ញារង អមសាលាដំបូងខេត្ត ដោយបានការអនុញ្ញាត និងការណែនាំ លោកឧត្តមសេនីយ៍ត្រី រ័ត្ន ចាន់ណា មេបញ្ជាការ កងរាជអាវុធហត្ថខេត្តត្បូងឃ្មុំ លោកវរសេនីយ៍ឯក ឈុំ សាវឿន មេបញ្ជាការស្តីទីកម្លាំងកងរាជអាវុធហត្ថខេត្ត និងមូលដ្ឋានកងរាជអាវុធហត្ថ…

កំពង់ឆ្នាំង៖ វេលាម៉ោង០៨:៣០នាទីព្រឹក ថ្ងៃទី២៨ ខែសីហា ឆ្នាំ២០២៣ កម្លាំងមូលដ្ឋានកងរាអាវធហត្ថស្រុកជលគិរី ខេត្តកំពង់ឆ្នាំង ដឹកនាំដោយលោក អនុសេនីយ៍ឯក គង់  សុភិន មេបញ្ជាការកងរាជអាវុធហត្ថស្រុក សហការជាមួយកម្លាំងចម្រុះ បង្ក្រាបបទល្មើសនេសាទនៅចំណុចបឹងធំ ស្ថិតក្នុងភូមិកំពង់បាស្រូវ ឃុំជលសា ស្រុកជលគិរី ខេត្តកំពង់ឆ្នាំង ដោយចាប់បានវត្ថុតាងមួយចំនួននឹងបានបំផ្លាញចោលនៅនឹងកន្លែង។

កំពង់ធំ៖ ដោយមានការដឹកនាំ និងចង្អុលបង្ហាញពីលោក ឧត្តមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្តកំពង់ធំ នៅវេលាម៉ោង១៦ ៣៥នាទី ថ្ងែទី២៧ ខែសីហា ឆ្នាំ២០២៣ កម្លាំងមន្ទីរស្រាវជ្រាវបង្រ្កាបបទល្មើស កងរាជអាវុធហត្ថខេត្តកំពង់ធំ ដឹកនាំដោយលោក អនុសេនីយ៍ឯក សុខ ម៉េងហុង នាយការិយាល័យព្រហ្មទណ្ឌ ដោយមានការសម្របសម្រួលពីព្រះរាជអាជ្ញារងអមសាលាដំបូងខេត្តកំពង់ធំ បានចុះស្រាវជ្រាវបង្ក្រាបករណីប្រើប្រាស់ឯកសារសាធារណក្លែង(រថយន្ត) នៅចំណុចភូមិស្រង៉ៃ ឃុំបល័្លង្ក ស្រុកបារាយណ៍ ខេត្តកំពង់ធំ ដោយបានឃាត់ខ្លួនជនស្ស័យ ០១នាក់  និងរថយន្ត០១គ្រឿង ម៉ាក់លុចស៊ីស៣៣០ ពណ៌ស…

កំពត៖ ដោយបានការអនុញ្ញាតពី លោក ឧត្តមសេនីយ៍ត្រី ចាប សុទ្ធាវុឌ្ឍន៍ មេបញ្ជាការ កងរាជអាវុធហត្ថខេត្តកំពត និងមានការសម្របសម្រួលនីតិវិធីព្រះរាជអាជ្ញាអមសាលាដំបូងខេត្តកំពត នៅវេលាម៉ោង ១៦:១០នាទី ថ្ងៃទី២៧ ខែសីហា ឆ្នាំ២០២៣ កម្លាំងជំនាញការិយាល័យប្រឆាំងគ្រឿងញៀន និងអង្គភាពនគរបាលយុត្តិធម៌នៃ មន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តកំពត ដឹកនាំដោយលោកវរសេនីយ៍ឯក សេង វិច្ឆិកា មេបញ្ជាការរង ទទួលជំនាញគ្រឿងញៀន បានចុះបង្ក្រាបមុខសញ្ញាជួញដូរ និងប្រើប្រាស់ដោយខុសច្បាប់នូវសារធាតុញៀន ដោយឃាត់ខ្លួនជនសង្ស័យម្នាក់ និងចាប់យកវត្ថុតាងពាក់ព័ន្ធ នៅចំណុចភូមិដំណាក់អំពិល ឃុំល្អាង ស្រុកដងទង់ ខេត្តកំពត។…

ស្វាយរៀង៖ នៅថ្ងៃទី២៧ ខែសីហា ឆ្នាំ២០២៣ សមត្ថកិច្ចជំនាញនៃការិយាល័យប្រឆាំងគ្រឿងញៀនកងរាជអាវុធហត្ថខេត្តស្វាយរៀង បានបញ្ជូនជនសង្ស័យប្រុសស្រីចំនួន០៦នាក់ ទៅតុលាការដើម្បីផ្ដន្ទាទោសតាមច្បាប់ពាក់ព័ន្ធករណីរក្សាទុក ឬជួញដូរដោយខុសច្បាប់នូវសារធាតុញៀន ដែលកម្លាំងបង្ក្រាបបាលនៅវេលាម៉ោង០៣ និង៣៥នាទី ថ្ងៃទី២៤ ខែសីហា ឆ្នាំ២០២៣ ក្រោមការចង្អុលបង្ហាញពីលោក ឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង កម្លាំងមន្ទីរស្រាវជ្រាវ និងបង្ក្រាបបទល្មើស កងរាជអាវុធហត្ថខេត្ត សហការជាមួយមូលដ្ឋានកងរាជអាវុធហត្ថក្រុងបាវិត ដឹកនាំដោយលោកវរសេនីយ៍ឯក ស្រី វុត្ថា មេបញ្ជាការរងកងរាជអាវុធហត្ថខេត្ត ដោយមានការសម្របសម្រួលពីលោក ឡម ពេងស៊ាន ព្រះរាជអាជ្ញារង នៃអយ្យការអមសាលាដំបូងខេត្តស្វាយរៀង…

តាកែវ៖ ដោយបានទទួលបទបញ្ជា លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវ នៅវេលាម៉ោង ៦:៣០នាទី ព្រឹកថ្ងៃទី២៧ ខែសីហា ឆ្នាំ២០២៣ កម្លាំងមូលដ្ឋានកងអាវុធហត្ថស្រុកគិរីវង់ ដឹកនាំដោយលោក អនុសេនីយ៍ឯក យិន កុសល់ មេបញ្ជាការរងស្រុក បានចុះរុករកការដាំដុះកញ្ឆាខុសច្បាប់ស្ថិតនៅលើជូរភ្នំបាយង់កោរប្រទះឃើញទីតាំងការដាំដុះមួយកន្លែងនៅម្ដុំស្វាគយខាងលើ ភូមិដើមបេង ឃុំគិរីចុងកោះ ស្រុកគិរីវង់ ខេត្តតាកែវ ដោយចាប់យកវត្ថុតាងពាក់ព័ន្ធនៅ០៤ទីតាំង ផ្ទៃដីសរុប  ៤៥០ម៉ែត្រការ៉េក ញ្ឆាស្រស់សរុប ១,១១៣ ដើម អាងស្ទុកទឹក ចំនួន ២កន្លែងត្រូវបានកាប់…