កំពង់ធំ៖ នៅវេលាម៉ោង ១៦:០០នាទីថ្ងៃទី០៧ ខែកញ្ញា ឆ្នាំ២០២៣ កម្លាំងមូលដ្ឋានកងរាជអាវុធហត្ថស្រុកស្ទោង ខេត្តកំពង់ធំ ដឹកនាំដោយវរសេនីយ៍ត្រី ឃុន ភារៈ មេបញ្ជាការស្រុក ចេញជួយពន្លត់អគ្គិភ័យឆាបឆេះផ្ទះប្រជាពលរដ្ឋ នៅភូមិគុជទីទុយ ឃុំទ្រា ស្រុកស្ទោង បណ្តាលឱ្យឆេះផ្ទះចំនួន០២ខ្នង ទំហំ ០៧មx១១ម ធ្វើពីឈើប្រក់ក្បឿង (ឆេះអស់១០០%) ដែលមានម្ចាស់ ឈ្មោះ ឡាយ សៀន អាយុ៧០ឆ្នាំ និងប្រពន្ធឈ្មោះ អឿ គឿន អាយុ៦៤ឆ្នាំ ខូចខាតសម្ភាររួមមានគ្រែ០២,…
កណ្តាល៖ ថ្ងៃទី៥ ខែកញ្ញា ឆ្នាំ២០២៣ កម្លាំងកងរាជអាវុធហត្ថស្រុកស្អាង ខេត្តកណ្តាលបន្ទាប់ពីទទួលបានព័ត៌មានពីប្រជាពលរដ្ឋថាមានករណីប្រើប្រាស់ដោយខុសច្បាប់នូវសារធាតុញៀន ស្ថិតក្នុងឃុំស្អាងភ្នំ ស្រុកស្អាង ខេត្តកណ្តាល ដោយមានការដឹកនាំចង្អុលបង្ហាញផ្ទាល់ពីលោក ឧត្តមសេនីយ៍ មេបញ្ជាការខេត្ត និងមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្ត កម្លាំងជំនាញបានចុះដល់ទីកន្លែងជាក់ស្តែង ឃាត់ខ្លួនជនសង្ស័យ០១នាក់ ភេទប្រុស និងចាប់យកវត្ថុតាងថ្នាំញៀន(ម៉ាទឹកកក) ចំនួន ០១កញ្ចប់, ទូរស័ព្ទ ០១គ្រឿង, សម្ភារប្រើប្រាស់មួយចំនួន។ បច្ចុប្បន្នជនសង្ស័យ និងវត្ថុតាង សមត្ថកិច្ចកងរាជអាវុធហត្ថខេត្តកណ្តាល បានកសាងសំណុំរឿងបញ្ជូនទៅសាលាដំបូងខេត្តតាមនីតិវិធី។
តាកែវ៖ អនុវត្តបទបញ្ជាលោក ឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវ នៅវេលាម៉ោង ១០ និង២០នាទី ថ្ងៃទី៦ ខែកញ្ញា ឆ្នាំ២០២៣ កម្លាំងមន្ទីរស្រាវជ្រាវបង្ក្រាបបទល្មើស និងការិយាល័យជំនាញប្រឆាំងគ្រឿងញៀន សហការ ជាមួយស្នាក់ការ៣០១ កម្លាំងមូលដ្ឋានកងរាជអាវុធហត្ថស្រុកបាទី ដឹកនាំដោយលោកវរសេនីយ៍ឯក ង៉ែត ចាន់ធី មេបញ្ជាការរង កងរាជអាវុធហត្ថខេត្ត បានចុះបង្រ្កាបករណីគ្រឿងជាក់ស្ដែងនៅចំណុចផ្លូវលំ ស្ថិតនៅភូមិត្រាំខ្នារ ឃុំសុភី ស្រុកបាទី ខេត្តតាកែវ ជាលទ្ធផលបានឃាត់ខ្លួនជនសង្ស័យ បានចំនួន ០១នាក់…
កំពង់ឆ្នាំង៖ នៅវេលាម៉ោង០៨:៣០នាទីព្រឹកថ្ងៃទី០៧ ខែកញ្ញា ឆ្នាំ២០២៣ កម្លាំងមូលដ្ឋានកងរាជអាវុធហត្ថស្រុកបរិបូណ៌ ខេត្តកំពង់ឆ្នាំង ដឹកនាំដោយលោកអនុសេនីយ៍ឯក ហឿន មាស មេបញ្ជាការរងមូលដ្ឋានកងរាជអាវុធហត្ថស្រុក សហការជាមួយកម្លាំងចម្រុះចុះបង្ក្រាបបទល្មើសនេសាទ តាមដងទន្លេស្ថិតក្នុងភូមិកំពង់អួរ ឃុំខុនរ៉ង ស្រុកបរិបូណ៌ ខេត្តកំពង់ឆ្នាំង ជាលទ្ធផលបានរុះរើរបាំងសាច់អួនចំនួន០៥ កន្លែង ប្រវែងសរុប ៥០០ ម៉ែត្រ, លបលូសាច់អួន០៥ មាត់, បង្គោលចម្រុះ ចំនួន ៣០០ ដើម, ចាក់លែងកូនត្រីចម្រុះចំនួនប្រមាណ ២០គីឡូ ចំណែកសម្ភារល្មើសត្រូវបានបំផ្លាញចោលនៅនឹងកន្លែង។
កំពង់ធំ៖ អនុវត្តតាមបទបញ្ជាលោក ឧត្តមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្តកំពង់ធំ និងមានការសម្របសម្រួលនីតិវិធីពីព្រះរាជអាជ្ញារងអមសាលាដំបូងខេត្តកំពង់ធំ នៅវេលាម៉ោង ១៧:០៥នាទីថ្ងៃទី០៤ ខែកញ្ញា ឆ្នាំ២០២៣ រហូតដល់ម៉ោង២០:០០នាទីថ្ងៃទី០៦ ខែកញ្ញា ឆ្នាំ២០២៣ កម្លាំងមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តកំពង់ធំ ដឹកនាំដោយលោកវរសេនីយ៍ទោ ផុន សុផល ប្រធានមន្ទីរស្រាវជ្រាវ និងបង្ក្រាបបទល្មើស បានចុះស្រាវជ្រាវ និងបង្រាបករណីជួញដូរនិងប្រើប្រាស់ដោយខុសច្បាប់នូវសារធាតុញៀន ចំនួន ០៤ គោលដៅ និងបានឃាត់ខ្លួនជនសង្ស័យបានចំនួន ១៤ នាក់ និងចាប់យកវត្ថុតាងពាក់ព័ន្ធ។…
កណ្តាល៖ ថ្ងៃទី០២ ខែកញ្ញា ឆ្នាំ២០២៣ ដោយមានការដឹកនាំចង្អុលបង្ហាញផ្ទាល់ពីលោក ឧត្តមសេនីយ៍ មេបញ្ជាការខេត្ត និងមានការសម្របសម្រួលនីតិវិធីពីឯកឧត្តមព្រះរាជអាជ្ញាអមសាលាដំបូងខេត្ត កម្លាំងជំនាញមូលដ្ឋានកងរាជអាវុធហត្ថស្រុកកណ្តាលស្ទឹង ខេត្តកណ្តាល បានចុះដល់ទីកន្លែងជាក់ស្តែង ឃាត់ខ្លួនជនសង្ស័យចំនួន ០២នាក់ ករណីជួញដូរដោយខុសច្បាប់នូវសារធាតុញៀន ស្ថិតក្នុងឃុំបារគូ ស្រុកកណ្តាលស្ទឹង ខេត្តកណ្តាល ដោយចាប់យកវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ និងវត្ថុតង ត្រូវបានសមត្ថកិច្ចកម្លាំងកងរាជអាវុធហត្ថខេត្តកណ្តាល កសាងសំណុំរឿងបញ្ជូនទៅសាលាដំបូងខេត្តតាមនីតិវិធី។
តាកែវ៖ ដោយទទួលបានបទបញ្ជាពី លោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ និងដឹកនាំសម្របសម្រួលនីតិវិពីព្រះរាជអាជ្ញាអមសាលាដំបូងខេត្តកែវ នៅថ្ងៃទី០៣ ខែកញ្ញា ឆ្នាំ២០២៣ កម្លាំងមន្ទីរស្រាវជ្រាវ និងបង្ក្រាបបទល្មើស សហការការជាមួយកម្លាំង កងរាជអាវុធហត្ថ ក្រុងដូនកែវ ដឹកនាំដោយលោក ង៉ែត ចាន់ធី មេបញ្ជាការរង បានចុះបង្ក្រាបក្រុមក្មេងទំនើងករណី ហឹង្សាដោយចេតនាមានស្ថានទម្ងន់ទោស ត្រង់ចំណុចភូមិផ្សារតាកោ សង្កាត់រកាក្រៅ ក្រុងដូនកែវ ក្រោយពីធ្វើសកម្មភាពរួចក្រុមជនសង្ស័យបានរត់គេចខ្លួន ប៉ុន្តែកម្លាំងដេញតាមដល់ចំណុចមុខការ៉ាស់សាំងភី ធី ធី ស្ថិតក្នុងភូមិខ្សឹង…
កំពង់ស្ពឺ៖ នៅថ្ងៃទី០៣ ខែកញ្ញា ឆ្នាំ២០២៣ កម្លាំងមូលដ្ឋានកងរាជអាវុធហត្ថស្រុកភ្នំស្រួច ខេត្តកំពង់ស្ពឺ បានបង្ក្រាបករណីចែកចាយគ្រឿងញៀន នៅស្ថិតនៅផ្លូវលំ ភូមិព្រៃទទឹង ឃុំអូរ ស្រុកភ្នំស្រួច ខេត្តកំពង់ស្ពឺ ដោយបានឃាត់ខ្លួនជនសង្ស័យចំនួន ០២នាក់បានចាប់យកវត្ថុតាងម្សៅក្រាមពណ៌សរចំនួន ៣០កញ្ចប់ ទូរស័ព្ទដៃ០១គ្រឿង ម៉ូតូ HONDA C125 ពណ៌ខ្មៅ ពាក់ស្លាកលេខ កំពង់ស្ពឺ 1G 3011 កន្ត្រៃ ចំនួន ០១ ថង់ច្រកថ្នាំមួយចំនួន។ បច្ចុប្បន្នជនសង្ស័យ និងវត្ថុតាង…
ត្បូងឃ្មុំ៖ នៅវេលាម៉ោង ១០:០០ នាទី ព្រឹកថ្ងៃពុធ ទី៣០ ខែសីហាឆ្នាំ២០២៣ ដោយមានបទបញ្ជា ពីលោកឧត្តមសេនីយត្រី រ័ត្ន ចាន់ណា មេបញ្ជាការកងរាជអាវុធហត្ថខេត្តត្បូងឃ្មុំ លោកវរសេនីយ៍ត្រី សុខ ប៊ុនឡុង មេបញ្ជាការកងរាជអាវុធហត្ថក្រុងសួង ដឹកនាំកម្លាំងចូលរួមអន្តរាគមន៍ជួយពន្លត់ករណីអគ្គីភ័យ(ភ្លើងឆេះផ្ទះ) នៅចំណុចភូមិជ្រួយ សង្កាត់វិហារលួង ក្រុងសួង មូលហេតុបណ្តាលមកពីម្ចាស់ផ្ទះអុជទៀនធូបសែនក្បាលទឹកទុកចោល។ ផ្ទះឈើ១ខ្នង ទំហំ ៧X១២ ម៉ែត្រប្រក់ក្បឿងជញ្ជាំងក្ដារត្រូវបានខូចខាតទាំងស្រុង និងទ្រព្យសម្បត្តិមូយចំនួនទៀត តែដោយមានការជួយសង្គ្រោះទាន់ពេលវេលាគឺមិនបានឆាបឆេះដល់ផ្ទះប្រជាពលរដ្ឋផ្សេងទៀតទេ។
បាត់ដំបង៖ យោងតាមបទបញ្ជារបស់លោកឧត្តមសេនីយ៍ត្រី ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបង នៅវេលាម៉ោង១១ :៣០នាទី ថ្ងៃទី២៩ ខែសីហា ឆ្នាំ២០២៣ លោក វរសេនីយ៍ទោ សូ ឌី ប្រធានមន្ទីរស្រាវជ្រាវ និងបង្រ្កាបបទល្មើស បានដឹកនាំកម្លាំងជំនាញ ចុះបង្រ្កាបករណី ជួញដូរដោយខុសច្បាប់នូវសារធាតុញៀន នៅភូមិបឹងព្រីង ឃុំព្រៃតូច ស្រុកមោងឬស្សី ខេត្តបាត់ដំបង បានឃាត់ខ្លួនជនសង្ស័យចំនួន០២នាក់ ពាក់ព័ន្ធករណីគ្រឿងញៀនង និងចាប់យកវត្ថុតាងពាក់ព័ន្ធ។ បច្ចុប្បន្នមន្ត្រីជំនាញកំពុងបន្តនីតិវិធី។