ភ្នំពេញ៖ នៅថ្ងៃទី១០ ខែមីនា ឆ្នាំ២០២៤ លោកវរសេនីយ៍ឯក ហែម រិទ្ធី មេបញ្ជាការ មូលដ្ឋានកងរាជអាវុធហត្ថខណ្ឌមានជ័យ បានចាត់ក្រុមការងារប្រគល់អំណោយជូនដល់គ្រួសារ លោកព្រឹន្ទបាលទោ ពុំ សំណាង ជំនួយការ អាវុធហត្ថខណ្ឌមានជ័យ ដែលប្រពន្ធទើបសម្រាលកូន។ ក្រុមការងារបាននាំយកនូវគ្រឿងឧបភោគ បរិភោគមានដូចជា ទឹកបរិសុទ្ធ ០១កេស, ទឹកដោះគោ ២យួរ, អង្ករ ០១ការុង និង ថវិកាមួយចំនួនទៀត ជូនជាអំណោយសួរសុខទុក្ខ និងទុកជាការចែករំលែកសម្រាលបន្ទុកក្នុងក្រុមគ្រួសារផងដែរ។

ប៉ៃលិន៖ នាព្រឹកថ្ងៃទី០៥ ខែមីនា ឆ្នាំ២០២៤ នៅបញ្ជាការដ្ឋានកងរាជអាវុធហត្ថខេត្តប៉ៃលិន លោកវរសេនីយ៍ឯក នួន ធុល មេបញ្ជាការរង តំណាងលោកឧត្ដមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្តប៉ៃលិន បានអញ្ជើញដឹកនាំក្រុមការងារ នាំយកថវិកាមូលនិធិមហាគ្រួសារកងរាជអាវុធហត្ថខេត្តប៉ៃលិន ចំនួន ២,១៣០,០០០ រៀល (ពីរលានដប់បីមឺនរៀល) ប្រគល់ជូនលោកវរសេនីយ៍ឯក តេង គៀក មេបញ្ជាការរង ទទួលការងារកសាងកម្លាំង ដើម្បីចូលរួមរំលែកទុក្ខដល់សពឪពុករបង្កើតរបស់គាត់ដែលបានទទួលមរណភាពកាលពីថ្ងៃទី២៧ ខែកុម្ភៈ ឆ្នាំ២០២៤ ដោយជរាពាធ សពបានកម្កល់ធ្វើបុណ្យនៅគេហដ្ឋាន ស្ថិតនៅភូមិត្រពំាង…

នៅថ្ងៃទី០៣ ខែមីនា ឆ្នាំ២០២៤ លោកវរសេនីយ៍ឯក ជឹម ឬទ្ធី មេបញ្ជាការ មូលដ្ឋានអាវុធហត្ថខណ្ឌពោធិ៍សែនជ័យ បានចាត់ក្រុមការងារចុះសួរសុខទុក្ខ លោកវរសេនីយ៍ត្រី ចាន់ វណ្ណធូ មេបញ្ជាការរងអាវុធហត្ថខណ្ឌ ដែលបានព្យាបាលដោយវះកាត់សាច់ដុះក្នុងពោះវៀនហើយកំពុងសម្រាកថែទាំសុខភាពនៅគេហដ្ឋាន។   ក្នុងឱកាសសួរសុខទុក្ខនោះ ក្រុមការងារ បាននាំយកថវិកាដែលបានមកពីការចូលរួមរបស់ នាយ នាយរងអាវុធហត្ថខណ្ឌ ក្នុងស្មារតីសាមគ្គីភាព ចំនួន ១,៥០០,០០០រៀល (មួយលានប្រាំសែនរៀល), ទឹកបរិសុទ្ធ និងភេសជ្ជៈចំនួន ០៤កេស ទៅជូនជាអំណោយសួរសុខទុក្ខ និងទុកជាការចែករំលែកសម្រាលបន្ទុកគ្រួសារក្នុងការសម្រាកព្យាបាលផងដែរ៕

កំពង់ចាម៖ នៅថ្ងៃចន្ទ ទី០៤ ខែមីនា ឆ្នាំ២០២៤ លោកវរសេនីយ៍ឯក ស៊ឹង អាន មេបញ្ជាការរង តំណាងលោកឧត្ដមសេនីយ៍ត្រី សោ សាវឿន មេបញ្ជាការ កងរាជអាវុធហត្ថខេត្តកំពង់ចាម បានអញ្ជើញដឹកនាំនាយទាហានក្រោមឱវាទ ជួបសំណេះសំណាលលោកវរសេនីយ៍ទោ សាយ សំណាង នាយសេនាធិការរង កងរាជអាវុធហត្ថខេត្តកំពង់ចាម ដែលឪពុកក្មេករបស់គាត់បានទទួលមរណភាពនៅថ្ងៃទី០៦ ខែកុម្ភៈ ឆ្នាំ២០២៤ ដោយរោគាពាធ។ ក្នុងឱកាសនោះដែរលោកមេបញ្ជាការរង បាននាំយកថវិកានាយ នាយរងនៃកងរាជអាវុធហត្ថខេត្តកំពង់ចាម សរុបចំនួន ៤,៥៨០,០០០រៀល ចូលបុណ្យដល់ក្រុមគ្រួសារសពផងដែរ។

នៅថ្ងៃទី០២ ខែមីនា ឆ្នាំ២០២៤ លោកវរសេនីយ៍ត្រី ហង្ស ណារិទ្ធ មេបញ្ជាការមូលដ្ឋានអាវុធហត្ថខណ្ឌជ្រោយចង្វារ បានប្រគល់ថវិកាដែលបានចូលរួមពី នាយ-នាយរង នៃអាវុធហត្ថខណ្ឌជ្រោយចង្វារ ក្នុងស្មារតីសាមគ្គីភាព សរុបចំនួន ៣,៤១០,០០០៛ (បីលានសែសិបមួយម៉ឺនរៀល) ចូលរួមរំលែកទុក្ខដ៏ក្រៀមក្រំដល់គ្រួសារ លោកអនុសេនីយ៍ទោ យន់ ចិន្តា ជំនួយការខណ្ឌ ដែលម្តាយរបស់លោកទទួលមរណៈភាព ដោយជរាពាធ និងសូមបួងសួងដល់វិញ្ញាណក្ខន្ធបានទៅកាន់សុគតិភពកុំបីឃ្លៀងឃ្លាតឡើយ៕

កែប៖ នៅទីបញ្ជាការកងរាជអាវុធហត្ថខេត្តកែប ព្រឹកថ្ងៃចន្ទ ទី១៣ ខែវិច្ឆិកា ឆ្នាំ២០២៣ លោក វរសេនីយ៍ឯក សេស សុផល មេបញ្ជាការស្តីទី តំណាងលោក ឧត្តមសេនីយ៍ត្រី ហ៊ត សីហា មេបញ្ជាការ កងរាជអាវុធហត្ថខេត្តកែប បានអញ្ជើញដឹកនាំប្រជុំជួរផ្សព្វផ្សាយណែនាំការងារផ្សេងៗមួយចំនួនដែលត្រូវអនុវត្តបន្តនាពេលខាងមុខ។ ក្នុងឱកាសនោះផងដែរ លោក វរសេនីយ៍ឯក មេបញ្ជាការស្តីទីក៏បានបើកចែកអាវរងារ ជូនដល់នាយ នាយរងអាវុធហត្ថខេត្តកែបទាំងអស់សម្រាប់យកទៅប្រើប្រាស់ក្នុងរដូវរងារនាពេលខាងមុខ ។ អាវរងាទាំងអស់នេះគឺជាអំណោយដ៏ថ្លៃថ្លារបស់ សម្តេចឣគ្គមហាសេនាបតីតេជោ ហ៊ុន សែន និងសម្តេច…