រតនគិរី៖ ព្រឹកថ្ងៃទី២១ ខែមេសា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តរតនគិរី លោកឧត្ដមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគិរី បានអញ្ជើញបើកចែកអាវភ្លៀងដែលជាអំណោយរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចំនួន ១៦៣ អាវភ្លៀង ដោយមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការ ប្រធាន អនុប្រធានមន្ទីរ នាយ នាយរងការិយាល័យ និងមេបញ្ជាការមូលដ្ឋានកងរាជអាវុធហត្ថក្រុង ស្រុកទាំង៩។

មណ្ឌលគិរី៖ ថ្ងៃទី២០ ខែមេសា ឆ្នាំ២០២៣ នៅទីបញ្ជាការដ្ឋានកងរាជអាវុធហត្ថខេត្តបានធ្វើពិធីបើកចែកអាវភ្លៀងចំនួន ១២២អាវ ដល់នាយ នាយរងនៃកងរាជអាវុធហត្ថ ដែលជាអំណោយរបស់ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ឋបណ្ឌិត ប៊ុន រ៉ានី ហ៊ុន សែន ក្រោម អធិបតីភាព លោកវរសេនីយ៍ឯក ហ៊ាវ យូអៀន មេបញ្ជាការរង និងជានាយសេនាធិការ មេបញ្ជាការរង នាយរងសេនាធិការ ប្រធានមន្ទីរ ការិយាល័យ បណ្ដាក្រុងស្រុកស្នាកការផងដែរ។

ក្រចេះ៖ ថ្ងៃទី១៣ ខែមេសា ឆ្នាំ២០២៣ លោក វរសេនីយ៍ឯក គឹម ហ៊ល មេបញ្ជាការរង តំណាង លោក ឧត្តមសេនីយ៍ត្រី សាន្ដ ប៊ុនថាន មេបញ្ជាការកងរាជអាវុធហត្ថខេត្តក្រចេះ បានដឹកនាំក្រុមការងារនាំយកនូវវត្ថុអនុស្សាវរីយ៍ និងថវិកាចំនួន ២,០០០,០០០រៀល សួរសុខទុក្ខ ភរិយាលោក វរសេនីយ៍ឯក ស៊្រុន សោភ័ណ មេបញ្ជាការរងកងរាជអាវុធហត្ថខេត្ត ដែលទើបនឹងសម្រាលបុត្រ នៅគេហដ្ឋានរបស់លោកផ្ទាល់។

ក្រចេះ៖ ព្រឹកថ្ងៃទី១១ ខែមេសា ឆ្នាំ២០២៣ នៅបញ្ជាការកងរាជអាវុធហត្ថខេត្តក្រចេះ លោក វរសេនីយ៍ឯក ម៉ៅ រ៉ាន្នី មេបញ្ជាការរង និងជានាយសេនាធិការកងរាជខេត្ត ដឹកនាំក្រុមជំនាញប្រគល់គោលរបបយោធបរិក្ខារ ជូនយោធិន នៃកងរាជអាវុធហត្ថដែលជ្រើសរើសថ្មី (ជាប់ជាស្ថាថាពរ) ចំនួន ៤០នាក់។

ឧត្តរមានជ័យ៖ ព្រឹកថ្ងៃសុក្រ ទី១៤ ខែមេសា  ឆ្នាំ២០២៣ លោក វរសេនីយ៍ទោ ម៉ាង សាម៉ន ប្រធានមន្ទីរទំនាក់ទំនងកិច្ចការសាធារណៈ តំណាង លោក ឧត្តមសេនីយ៍ត្រី លី ដារិទ្ធ មេបញ្ជាការ កងរាជអាវុធហត្ថខេត្តឧត្តរមានជ័យ បានដឹកនាំសហការីអញ្ជើញណេះសំណាលសួរសុខទុក្ខលោក អនុសេនីយ៍ទោ ឈា ឆោម នាយរងការិយាល័យ ផែនការហ្វឹកហ្វឺនដែលកំពុងសម្រាកព្យាបាល នៅមន្ទីរពេទ្យឯកជន ភូមិអូអំបិល សង្កាត់ អូរអំបិល ក្រុងសិរីសោភ័ណ ខេត្តបន្ទាយមានជ័យ ព្រមទាំងបានឧបត្ថម្ភថវិកាចំនួន…