នៅថ្ងៃទី០៤ ខែមីនា ឆ្នាំ២០២៤ កម្លាំងជំនាញការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ បានបញ្ជូនជនសង្ស័យប្រុសស្រីចំនួន១១នាក់ ក្នុងនោះ ០៨នាក់ ទៅតុលាការ និង០៣នាក់ ទៅមណ្ឌលកែប្រែបន្សាបគ្រឿងញៀនឱកាសខ្ញុំ ពាក់ព័ន្ធករណីជួញដូរ និងប្រើប្រាស់នូវសារធាតុញៀនដោយខុសច្បាប់ ក្រោយពីបង្ក្រាបបានចំនួន៥ករណីផ្សេងគ្នា។

កំពង់ស្ពឺ៖ នៅបញ្ជាការដ្ឋានកងរាជអាវុធហត្ថខេត្តកំពង់ស្ពឺ នារសៀលថ្ងៃទី០៤ ខែមីនា ឆ្នាំ២០២៤ លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញក្នុងពិធីកិច្ចប្រជុំទិវានារីអន្តរជាតិ ៨មីនា ខួបលើកទី១១៣ ឆ្នាំ២០២៤ ក្រោមប្រធានបទ"ស្រ្តី និងក្មេងស្រីក្នុងបរិវត្តកម្មឌីជីថល" ។

ព្រះវិហារ៖ ដោយបានទទួលបទបញ្ជាពីលោកឧត្តមសេនីយ៍ត្រី កង សៅគុណ មេបញ្ជាការកងរាជអាវុធហត្ថខេត្តព្រះវិហារ នៅវេលាម៉ោង ១៣ និង ០០នាទីថ្ងៃទី០៣ ខែមីនា ឆ្នាំ២០២៤ នៅភូមិសែនតេជះ ឃុំមរតក ស្រុកជាំក្សាន្ដ ខេត្តព្រះវិហារ កម្លាំងមូលដ្ឋានកងរាជអាវុធហត្ថស្រុកជាំក្សាន្ត ដឹកនាំដោយលោក វរសេនីយ៍ត្រី ជុន បូរ៉ា មេបញ្ជាការមូលដ្ឋានកងរាជអាវុធហត្ថស្រុកជាំក្សាន្ដ បានចុះបង្រ្កាបករណីរក្សាទុក ចែកចាយ និង ប្រើប្រាស់ដោយខុសច្បាប់នូវសារធាតុញៀន ដោយបានឃាត់ខ្លួនជនសង្ស័យបានចំនួន ០៣នាក់ និងវត្ថុតាងចាប់យកវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ និងវត្ថុតាង…

ពោធិ៍សាត់៖ ដោយទទួលបានការអនុញ្ញាតពីលោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស នៅថ្ងៃទី០៤ ខែមីនា ឆ្នាំ២០២៤ នៅបញ្ជាការដ្ឋានកងរាជអាវុធហត្ថខេត្តពោធិ៍សាត់ លោកឧត្តមសេនីយ៍ត្រី ពុទ្ធ លី មេបញ្ជាការកងរាជអាវុធហត្ថខេត្តពោធិ៍សាត់ បានដឹកនាំធ្វើការត្រួតពិនិត្យស្វ័យបច្ចុប្បន្នភាពចំនួនទ័ព-កូន និងយុទ្ធោបករណ៍ ដល់នាយទាហាន នាយទាហានរង និងពលទាហាន នៃកងរាជអាវុធហត្ថខេត្តពោធិ៍សាត់។

រតនគិរី៖ នាព្រឹកថ្ងៃទី០៤ ខែមីនា ឆ្នាំ២០២៤ នៅបញ្ជាការដ្ឋានកងរាជអាវុធហត្ថខេត្តរតនគិរី លោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគិរី បានអញ្ជើញដឹកនាំក្រុមការងារស្វ័យបច្ចុប្បន្នភាពចំនួនទ័ព-កូន និងយោទ្ធោបករណ៍កងរាជអាវុធហត្ថខេត្ត និងប្រជុំបូកសរុបលទ្ធផលការងារធ្វើស្វ័យត្រួតពិនិត្យបច្ចុប្បន្នភាពចំនួនទ័ព-កូន ដោយមានការអញ្ជើញចូលរួមពីលោកមេបញ្ជាការរងទទួលការងារកសាងកម្លាំង ប្រធានមន្ទីរទាំង៧ នាយការិយាល័យដែលមានការពាក់ព័ន្ធ ព្រមទាំងមេបញ្ជាការមូលដ្ឋានកងរាជអាវុធហត្ថសក្រុង-ស្រុកទាំង៩ផងដែរ។

បន្ទាយមានជ័យ៖ នៅថ្ងៃទី០៤ ខែមីនា ឆ្នាំ២០២៤ មន្ត្រីជំនាញកងរាជអាវុធហត្ថខេត្តបន្ទាយមានជ័យ បញ្ជូនជនសង្ស័យ ០២នាក់ ទៅសាលាដំបូងខេត្តអនុវត្តតាមនីតិវិធី  ពាក់ព័ន្ធករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀនដែលកម្លាំងបង្ក្រាបបាននាពេលកន្លងទៅ។

កណ្តាល៖ នាព្រឹកថ្ងៃទី០៤ ខែមីនា ឆ្នាំ២០២៤ នៅទីបញ្ជាការកងរាជអាវុធហត្ថខេត្តកណ្តាល បានរៀបចំពិធីបើកវគ្គបំប៉នជំនាញកងរាជអាវុធហត្ថ ឆមាសទី១ ឆ្នាំ២០២៤ ក្រោមអធិបតីភាព លោក ឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល ដោយមានការអញ្ជើញចូលរួមពី លោក លោកស្រី មេបញ្ជាការរង នាយសេនាធិការរង ប្រធាន-ប្រធានអនុមន្ទីរ នាយការិយាល័យ មេបញ្ជាការ មេបញ្ជាការរង មូលដ្ឋានកងរាជអាវុធហត្ថ ក្រុង-ស្រុក ព្រមទាំងគ្រូឧទ្ទេសនាម និងសិក្ខាកាម (សរុបចំនួន ៩៥នាក់)។…