ឧត្តរមានជ័យ៖ អនុវត្តទិសស្លោក លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ​ កងរាជអាវុធហត្ថលើផ្ទៃប្រទេស (ចំពោះប្រទេសជាតិត្រូវតែការពារ ចំពោះប្រជាត្រូវតែបម្រើ ច្បាប់ត្រូវតែគោរព និងបទល្មើសត្រូវតែបង្ក្រាប) និងដោយអនុវត្តបទបញ្ជាដ៏ម៉ឺងម៉ាត់របស់លោកឧត្តមសេនីយ៍ត្រី លី ដារិទ្ធ មេបញ្ជាការ កងរាជអាវុធហត្ថខេត្តឧត្តរមានជ័យ នៅ​ថ្ងៃទី៣១ ខែឧសភា ឆ្នាំ២០២៤ កម្លាំងអាវុធហត្ថខេត្តឧត្តរមានជ័យ បានធ្វើការហ្វឹកហ្វឺនបាញ់គ្រាប់ពិតពង្រឹងសមត្ថភាព ដើម្បីរ៉ាប់រងបាននូវតួនាទីភារកិច្ច និង​ ប្រតិបត្តិការបង្ការ បង្ក្រាប និងសង្គ្រោះដែលជាភារកិច្ចស្នូលរបស់កងរាជអាវុធហត្ថ ។

ឧត្តរមានជ័យ៖ ដោយទទួលបានបទបញ្ជាពីលោក ឧត្តមសេនីយ៍ត្រី លី ដារិទ្ធ មេបញ្ជាការកងរាជអាវុធហត្ថខេត្តឧត្តរមានជ័យ នៅថ្ងៃទី២៩ ខែឧសភា ឆ្នាំ២០២៤ កម្លាំងមូលដ្ឋានស្រុកត្រពាំងប្រាសាទ ដឹកនាំដោយលោក អនុសេនីយ៍ឯក ជុំ តង មេបញ្ជាការរងស្រុក ចុះបង្រ្កាបករណីរក្សាទុក និងចែកចាយដោយ ខុសច្បាប់នូវសារធាតុញៀន នៅចំណុចភូមិ-ឃុំ-ស្រុក ត្រពាំងប្រាសាទ ខេត្តឧត្តរមានជ័យ ដោយបានឃាត់ខ្លួនជន សង្ស័យ ១នាក់ ឈ្មោះ យ៉ាវ បឿក ភេទប្រុស អាយុ ២២ឆ្នាំ…

តាកែវ៖ នៅបញ្ជាការដ្ឋានកងរាជអាវុធហត្ថខេត្តតាកែវ នាព្រឹកថ្ងៃទី៣១ ខែឧសភា ឆ្នាំ២០២៤​ លោកឧត្ដមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ បានដឹកនាំលោកមេបញ្ជាការរង នាយសេនាធិការ នាយសេនាធិការរង ប្រធានមន្ទីរភស្ដុភារ និងជំនាញវិស្វកម្ម នៃកងរាជអាវុធហត្ថខេត្ត អញ្ជើញជួបប្រជុំជាមួយក្រុមការងារមកពីនាយកដ្ឋានវិស្វកម្ម ក្រសួងការពារជាតិ និងក្រុមការងារមកពីអគ្គិសនីតាកែវ ដើម្បីចុះត្រួតពិនិត្យ សម្ភារៈ ប្រើប្រាស់អគ្គិសនី-ទឹកស្អាត បច្ចុប្បន្នរបស់បញ្ជាការដ្ឋានកងរាជអាវុធហត្ថខេត្តតាកែវ ។  

ព្រៃវែង៖ នៅបញ្ជាការដ្ឋានកងរាជអាវុធហត្ថខេត្តព្រៃវែអ នារសៀលថ្ងៃទី៣១ ខែឧសភា ឆ្នាំ២០២៤ លោកឧត្តមសេនីយ៍ ស៊ុម សប មេបញ្ជាការរង តំណាង លោកឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង ដឹកនំាលោកប្រធានមន្ទីរជំនាញសហការជាមួយក្រុមការងារចំពោះកិច្ចក្រសួងការពារជាតិ អគ្គបញ្ជាការ និងកងរាជអាវុធហត្ថលើផ្ទៃប្រទេស អញ្ជើញមកត្រួតពិនិត្យការងារជំនាញ នៅបញ្ជាការដ្ឋាន កងរាជអាវុធហត្ថខេត្តព្រៃវែង ។

បន្ទាយមានជ័យ៖ នាព្រឹកថ្ងៃសៅរ៍ ទី០១ ខែមិថុនា ឆ្នាំ២០២៤ មន្ត្រីជំនាញកងរាជអាវុធហត្ថខេត្តបន្ទាយមានជ័យ​​ បានបញ្ជូនជនសង្ស័យ២នាក់ ទៅសាលាដំបូងខេត្តអនុវត្តតាមនីតិវិធី​ ពាក់ព័ន្ធករណីប្រើប្រាស់ដោយខុសច្បាប់នូវសារធាតុញៀនដែលកម្លាំងបង្ក្រាបាន។

កំពត៖ អនុវត្តបទបញ្ជាលោកឧត្តមសេនីយ៍ត្រី ចាប សុទ្ធាវុឌ្ឍន៍ មេបញ្ជាការ កងរាជអាវុធហត្ថខេត្តកំពត និងមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តកំពត នៅវេលាម៉ោង ១៧​ និង៣០នាទី ថ្ងៃទី៣០ ខែឧសភា ឆ្នាំ២០២៤ កម្លាំងការិយាល័យប្រឆាំងគ្រឿងញៀននិង អង្គភាពនគរបាលយុត្តិធម៌ នៃមន្ទីរស្រាវជ្រាវបង្រ្កាបបទល្មើស ដឹកនាំដោយលោកវរសេនីយ៍ត្រី ម៉ម ទិត្យ អនុប្រធានមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តកំពត បានចុះបង្ក្រាបមុខសញ្ញាជួញដូរ និងប្រើប្រាស់ដោយខុសច្បាប់នូវសារធាតុញៀន ចំណុចភូមិសុវណ្ណសាគរ សង្កាត់កំពង់កណ្តាល ក្រុងកំពត ខេត្តកំពត ដោយបានឃាត់ខ្លួនជនសង្ស័យបានចំនួន០១នាក់ ឈ្មោះ សុទ្ធ បញ្ញា…

បាត់ដំបង៖ ព្រឹកថ្ងៃទី៣១ ខែឧសភា ឆ្នាំ២០២៤ នៅមូលដ្ឋានកងរាជអាវុធហត្ថស្រុកសំឡូត ខេត្តបាត់ដំបងលោកឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្តបាត់ដំបង បានអញ្ជើញជាគណៈអធិបតីក្នុងពិធីប្រកាសផ្លាស់ប្តូរមុខតំណែងមេបញ្ជាការមូលដ្ឋានកងរាជអាវុធហត្ថស្រុកសំឡូត។ ពិធីនេះមានការអញ្ជើញចូលរួមពី មេបញ្ជាការង នាយសេនាធិការរង លោកប្រធានក្រុមប្រឹក្សាស្រុក អភិបាល នៃគណៈអភិបាលស្រុក មេបញ្ជាការផ្នែកសឹករង លោកអធិការនគរបាល ក្រុមប្រឹក្សាឃុំ មេឃុំ លោកនាយប៉ុស្ដិ៍រដ្ឋាបាល មេភូមិ ប្រធានមន្ទីរ នាយការិយាល័យ មេបញ្ជាការមូលដ្ឋានកងរាជអាវុធហត្ថក្រុង ស្រុក ព្រមទាំងមន្រ្ដីរាជការសាលាស្រុក ចូលរួមជាច្រើនរូបទៀត ។…

ត្បូងឃ្មុំ៖ នៅវេលាម៉ោង១៧:៣០នាទី ថ្ងៃទី២៩ ខែឧសភា ឆ្នាំ២០២៤ លោកវរសេនីយ៍ទោ ជួន ផលលី ប្រធានមន្ទីរស្រាវជ្រាវ និង បង្ក្រាបបទល្មើសបានដឹកនាំកម្លាំងជំនាញកងរាជអាវុធហត្ថខេត្តត្បូងឃ្មុំ និងកម្លាំងមូលដ្ឋានកងរាជអាវុធហត្ថស្រុកអូររាំងឪ ចុះបង្រ្កាបករណីជួញដូរដោយខុសច្បាប់នូវសារធាតុញៀននៅចំណុចភូមិសុក្រំជ្រុំ ឃុំគងជ័យ ស្រុកអូរាំងឪ ខេត្តត្បូងឃ្មុំ ដោយបានឃាត់ខ្លួនជនសង្ស័យចំនួន ០២នាក់ និងចាប់យកវត្ថុតាងម្សៅក្រាមពណ៌សថ្លាចំនួន០២កញ្ចប់ និង វត្ថុតាងមួយចំនួនទៀត។ បច្ចុប្បន្នជនសង្ស័យ និង វត្ថុតាងត្រូវបានជំនាញកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី។

កណ្តាល៖ នាព្រឹកថ្ងៃទី៣១ ខែឧសភា ឆ្នាំ២០២៤ លោក វរសេនីយ៍ឯក ច័ន្ទ សារ៉ាដែន មេបញ្ជាការរង កងរាជអាវុធហត្ថខេត្តកណ្តាល បានដឹកនាំប្រជុំការអនុវត្តតួនាទីភារកិច្ច កងរាអាវុធហត្ថ ប្រចាំខែឧសភា លើកទិសដៅ ខែមិថុនា ឆ្នាំ២០២៤ ដេីម្បីត្រួតពិនិត្យ និង ពង្រឹងការងារ ការពារសន្តិសុខ រក្សាសណ្តាប់ធ្នាប់ក្នុងភូមិសាស្ត្រក្រុងតាខ្មៅខេត្តកណ្តាល កិច្ចប្រជុំនេះមានការចូលរួមពីនាយសេនាធិការ នាយសេនាធិការរង ប្រធានមន្ទីរ នាយការិយាល័យ មេបញ្ជាការរងមូលដ្ឋានកងរាជអាវុធហត្ថក្រុងតាខ្មៅ មេបញ្ជាការកងអនុសេនាធំច័ត និងកម្លាំងពាក់ព័ន្ធផែនការការពារ។

ស្ទឹងត្រែង៖ នារសៀលថ្ងៃសុក្រ ទី៣១ ខែឧសភា ឆ្នាំ២០២៤ នៅបញ្ជាការដ្ឋានកងរាជអាវុធហត្តខេត្តស្ទឹងត្រែង លោក វរសេនីយ៍ឯក ឈាត វាសនា មេបញ្ជាការស្តីទី កងរាជអាវុធហត្ថខេត្តស្ទឹងត្រែង បានអញ្ជើញជាអធិបតីក្នុងពិធីវគ្គបំប៉ននាយទាហានរង កងរាជអាវុធហត្ថប្រចាំឆមាសទី១ ឆ្នាំ២០២៤ ។