បាត់ដំបង៖ យោងតាមបទបញ្ជារបស់លោក ឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្តបាត់ដំបង នៅវេលាម៉ោង ១៥:៣០ នាទីថ្ងៃទី២៩ ខែសីហា ឆ្នាំ២០២៣ ដឹកនាំបញ្ជាផ្ទាល់ដោយលោក វរសេនីយ៍ត្រី សំ វិឡុង មេបញ្ជាការ មូលដ្ឋានកងរាជអាវុធហត្ថក្រុងបាត់ដំបង បានចុះដល់ភូមិកម្មករ សង្កាត់ស្វាយប៉ោ ក្រុង/ខេត្តបាត់ដំបង បានឃាត់ខ្លួនជនសង្ស័យម្នាក់ឈ្មោះ អ៊ឹង គឹមហួ ភេទប្រុស អាយុ ៣១ឆ្នាំ មុខរបរលក់ដូរ មានទីលំនៅភូមិរំចេក៤ សង្កាត់រតន…

នៅថ្ងៃទី២៩ ខែសីហា ឆ្នាំ២០២៣ មន្ត្រីជំនាញកងរាជអាវុធហត្ថខេត្តបន្ទាយមានជ័យ បានបញ្ជូនជនសង្ស័យជនជាតិថៃម្នាក់ ទៅសាលាដំបូងខេត្ត ដើម្បីអនុវត្តតាមនីតិវិធី  ពាក់ព័ន្ធករណីរក្សាទុក ឬប្រើប្រាស់ដោយខុសច្បាប់នូវសារធាតុញៀន ដែលកម្លាំងបង្ក្រាបបានកាលពីវេលាម៉ោង០២និង០០នាទីថ្ងៃទី២៨  ខែសីហា ឆ្នាំ២០២៣ នៅចំណុចផ្សាររាត្រីទឹកពុះ ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។

ព្រះវិហារ៖ នៅវេលាម៉ោង ២:៣០នាទី ថ្ងៃទី២៩ ខែសីហា ឆ្នាំ២០២៣  នៅចំណុចចំការដំឡូង ស្ថិតក្នុងភូមិស្ដៅ ឃុំស្ដៅ ស្រុកសង្គមថ្មី ខេត្តព្រះវិហារ កម្លាំងអាវុធហត្ថស្រុកសង្គមថ្មី ដឹកនាំដោយលោក អនុសេនីយ៍ទោ ស្រី វណ្ណនី មេបញ្ជាការកងរាជអាវុធហត្ថស្រុកសង្គមថ្មី បានចុះបង្រ្កាបករណីជួញដូរ និងរក្សានូវសារធាតុគ្រឿងញៀន ដោយឃាត់ខ្លួនជនសង្ស័យចំនួន ០៣នាក់ និងចាប់យកវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកសាងសំណុំរឿងតាមនីតិវិធី។

ព្រះវិហារ៖ ព្រឹកថ្ងៃពុធ ទី៣០ ខែ សីហា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តព្រះវិហារ បានរៀបចំពិធីប្រជុំត្រួតពិនិត្យការអនុវត្តតួនាទីភារកិច្ច និងវឌ្ឈនភាពការងារកងរាជអាវុធហត្ថខែសីហា និងលើកទិសដៅការងារខែកញ្ញឆ្នាំ២០២៣។ ពិធីនេះក្រោមអធិបតីភាពលោកឧត្ដមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ ដោយមានការអញ្ជើញចូលរួមពីសំណាក់លោកមេបញ្ជាការរង នាយសេនាធិការ នាយសេនាធិការរង ប្រធានមន្ទីរ អនុមន្ទីរ នាយការិយាល័យ មេបញ្ជាការ មេបញ្ជាការរងមូលដ្ឋានក្រុង/ស្រុក។

តាកែវ៖ ដោយបានទទួលបទបញ្ជាលោក ឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវវេលាម៉ោង ១៥ និង៣០នាទី ថ្ងៃទី២៨ ខែសីហា ឆ្នាំ២០២៣ កម្លាំងជំនាញការិយាល័យប្រឆាំងគ្រឿងញៀន សហការជាមួយកម្លាំងមូលដ្ឋានអាវុធហត្ថស្រុកត្រាំកក់ ដឹកនាំដោយលោក វរសេនីយ៍ឯក ង៉ែត ចាន់ធី មេបញ្ជាការរង ទទួលជំនាញស្រាវជ្រាវ និងបង្ក្រាបបទល្មើសបានចុះបង្រ្កាបករណីគ្រឿងញៀននៅចំណុចរោងក្រោយផ្ទះ នៅក្នុងភូមិព្រៃជួរ ឃុំពពេល ស្រុកត្រាំកក់ខេត្តតាកែវ ដោយបានឃាត់ខ្លួនជនសង្ស័យចំនួន ០៤នាក់ និងចាប់យកវត្ថុតាងពាក់ព័ន្ធ។ បច្ចុប្បន្នជនសង្ស័យរួមនឹងវត្ថុតាងមន្ត្រីជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្តចាត់ការតាមនីតិវិធី។

កណ្តាល៖ លោក ឧត្តមសេនីយ៍ត្រី សំ តុលា មេបញ្ជាការ កងរាជធាវុធហត្ថខេត្តកណ្តាល ព្រឹកថ្ងៃទី២៨ ខែសីហា ឆ្នាំ២០២៣ បានដឹកនាំប្រជុំត្រួតពិនិត្យពិភាក្សាឆ្លងការងារចាំបាច់របស់អង្គភាពមួយចំនួន នៅសាលប្រជុំទីបញ្ជាការខេត្ត។

កោះកុង៖ រសៀលថ្ងៃទី២៨ ខែសីហា ឆ្នាំ២០២៣ នៅសាលប្រជុំលេខាធិការដ្ឋានកងរាជអាវុធហត្ថខេត្តកោះកុង លោកវរសេនីយ៍ទោ រិទ្ធ រ៉ា នាយសេនាធិការរង បានដឹកនាំប្រជុំការអនុវត្តតួនាទីភារកិច្ចកងរាជអាវុធហត្ថខេត្ត ដោយមានសមាសភាពចូលរួម ប្រធានមន្ទីរទាំង៧ និងនាយការិយាល័យពាក់ព័ន្ធ ព្រមទាំងបន្តផ្ទាល់តាមប្រព័ន្ធ Zoom ដល់មេបញ្ជាការមូលដ្ឋាន ក្រុង/ស្រុកផងដែរ។

ពោធិ៍សាត់៖ រសៀលថ្ងៃទី២៨ ខែសីហា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តពោធិ៍សាត់លោកឧត្តមសេនីយ៍ត្រី ពុទ្ធ លី មេបញ្ជាកាកងរាជអាវុធហត្ថខេត្តពោធិ៍សាត់ បានដឹកនាំប្រជុំស្នើសុំតែងតាំងផ្លាស់ប្តូរមុខតំណែង និងដំឡើងឋានន្តរសក្តិ វាយតម្លៃស្នើសុំប័ណ្ណសរសើរ លិខិតសរសើរ ដល់បុគ្គលនិងអង្គភាព និងវាយតម្លៃយោធិននៃកងរាជអាវុធហត្ថដល់អាយុចូលនិវត្តន៍ ឆ្នាំ២០២៤ ។